Qazaqstan Respýblıkasy Ulttyq ekonomıka mınıstrliginiń buıryǵy №115

2015 jylǵy 20 aqpan,  Astana qalasy Baıqaý keńesi músheleriniń qyzmetin baǵalaý jáne baıqaý keńesiniń múshelerine syıaqy tóleý lımıtin aıqyndaý qaǵıdalaryn bekitý týraly «Memlekettik múlik týraly» 2011 jylǵy 1 naýryzdaǵy Qazaqstan Respýblıkasy Zańynyń 148-babynyń 5-tarmaǵyna sáıkes buıyramyn: 1. Qosa berilip otyrǵan Baıqaý keńesi músheleriniń qyzmetin baǵalaý jáne baıqaý keńesiniń múshelerine syıaqy tóleý lımıtin aıqyndaý qaǵıdalary bekitilsin. 2. Qazaqstan Respýblıkasy Ulttyq ekonomıka mınıstrliginiń Memlekettik aktıvterdi basqarý saıasaty departamenti zańnamada belgilengen tártippen: 1) osy buıryq Qazaqstan Respýblıkasy Ádilet mınıstrliginde memlekettik tirkelýin; 2) osy buıryq memlekettik tirkelgennen keıin kúntizbelik on kún ishinde onyń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqtyń Qazaqstan Respýblıkasy Ulttyq ekonomıka mınıstrliginiń ınternet-resýrsynda ornalastyrylýyn qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Ulttyq ekonomıka vıse-mınıstrine júktelsin. 4. Osy buıryq resmı jarııalanǵan kúninen bastap qoldanysqa engiziledi. Qazaqstan Respýblıkasynyń Ulttyq ekonomıka mınıstri E.DOSAEV. «KELISILDI» Qazaqstan Respýblıkasynyń Bilim jáne ǵylym mınıstri ________ A. Sárinjipov 2015 jylǵy 20 aqpan «KELISILDI» Qazaqstan Respýblıkasynyń Densaýlyq saqtaý jáne áleýmettik damý mınıstri ________ T. Dúısenova 2015 jylǵy 20 aqpan Qazaqstan Respýblıkasy Ulttyq ekonomıka mınıstriniń 2015 jylǵy 20 aqpandaǵy № 115 buıryǵymen bekitilgen Baıqaý keńesi músheleriniń qyzmetin baǵalaý jáne baıqaý keńesiniń múshelerine syıaqy tóleý lımıtin aıqyndaý qaǵıdalary 1. Jalpy erejeler 1. Osy Qaǵıdalar «Memlekettik múlik týraly» 2011 jylǵy 1 naýryzdaǵy Qazaqstan Respýblıkasy Zańynyń 148-babynyń 5-tarmaǵyna sáıkes ázirlendi jáne bilim berý jáne densaýlyq saqtaý salalarynda sharýashylyq júrgizý quqyǵyndaǵy memlekettik kásiporyndardaǵy baıqaý keńesteri músheleriniń qyzmetin baǵalaýdy júzege asyrý jáne baıqaý keńesiniń múshelerine syıaqy tóleý lımıtin anyqtaý tártibin aıqyndaıdy. Sharýashylyq júrgizý quqyǵyndaǵy memlekettik kásiporyndardyń baıqaý keńesteri músheleriniń qyzmetin baǵa­laý baıqaý keńesteriniń músheleri qyzmetiniń tıimdiligin jáne syıaqy mólsherin aıqyndaý maqsatynda júzege asy­rylady. Baıqaý keńesteri músheleriniń qyzmetin baǵalaý jyl saıyn memlekettik kásiporyndardyń aýdıttelgen qarjylyq eseptiligi bekitilgennen keıin kúntizbelik otyz kún ishinde júrgiziledi. 2. Baıqaý keńesi músheleriniń qyzmetin baǵalaýdy júzege asyrý tártibi 2. Baıqaý keńesi múshesiniń qyzmetin baǵalaýdy osy qyzmettegi onyń bir jyldyq jumys qorytyndylary boıynsha jyl saıyn tıisti salanyń ýákiletti organy (jergilikti atqarýshy organ) júrgizedi. Sharýashylyq júrgizý quqyǵyndaǵy memlekettik kásiporynnyń baıqaý keńesi músheleriniń qyzmetine baǵalaý júrgizý maqsatynda tıisti salanyń ýákiletti organy (jergilikti atqarýshy organ) quramyn tıisti salanyń ýákiletti organy (jergilikti atqarýshy organ) qalyptastyratyn jáne bekitetin komıssııa (budan ári – Komıssııa) qurady. 3. Komıssııa alqalyq organ bolyp tabylady. 4. Komıssııa quramyna mindetti túrde tıisti salanyń ýákiletti organynyń (jergilikti atqarýshy organnyń) birinshi basshysynyń orynbasary engiziledi. 5. Komıssııa tóraǵasy onyń qyzmetin basqaratyn, Komıssııa otyrystarynda tóraǵalyq etetin, jumysyn josparlap, Komıssııa sheshimin iske asyrýǵa jalpy baqylaýdy júzege asyratyn tıisti salanyń ýákiletti organynyń (jergilikti atqarýshy organnyń) birinshi basshysynyń orynbasary bolyp tabylady. 6. Komıssııanyń kún tártibin, qajetti qujattardy, materıaldardy daıyndaýdy jáne Komıssııa otyrysynyń hattamasyn resimdeýdi Komıssııa múshesi bolyp tabylmaıtyn Komıssııanyń hatshysy júzege asyrady. 7. Komıssııa tóraǵasy Komıssııa otyrysynyń ótý kúnin aıqyndaý týraly sheshim qabyldaıdy, oǵan Komıssııanyń barlyq músheleri qol qoıady. 8. Komıssııa otyrysy Komıssııa tóraǵasyn qosa alǵanda Komıssııa músheleriniń jalpy sanynyń keminde úshten ekisi qatysqan jaǵdaıda júrgiziledi. Otyrysqa qyzmetine Komıssııa baǵalaý júrgizetin baıqaý keńesiniń múshesi qatysady. 9. Hatshy Komıssııa múshelerine, baıqaý keńesiniń múshesine Komıssııa otyrysyn ótkizý orny jáne ýaqyty týraly jazbasha túrde habarlaıdy. 10. Komıssııa otyrysynyń qorytyndysy boıynsha Komıssııa músheleri men onyń hatshysy qol qoıatyn otyrys hattamasy jasalady. 11. Komıssııa sheshimimen kelispegen jaǵdaıda, Komıssııanyń kez kelgen múshesi jazbasha túrde Komıssııa otyrysynyń hattamasyna qosa beriletin erekshe pikir bildiredi. Komıssııa múshesi bolmaǵan jaǵdaıda Komıssııa otyrysynyń hattamasynda onyń bolmaý sebebi men osy faktini rastaıtyn qujatqa silteme kórsetiledi. 12. Baıqaý keńesi múshesiniń qyzmetin baǵalaý mynadaı túrde júrgiziledi: 1) Komıssııanyń baıqaý keńesi múshesiniń jyldyq esebin qaraýy; 2) Komıssııa músheleriniń baıqaý keńesi múshesiniń qyzmetine baldyq júıe boıynsha baǵalaý júrgizýi; 3) Komıssııanyń baıqaý keńesi múshesiniń qyzmetin baǵalaýdy qorytyndylaýy. 13. Baıqaý keńesi múshesiniń jyldyq esebinde mynadaı aqparat qamtıdy: baıqaý keńesiniń jumysyna qatysý; memlekettik kásiporynnyń baıqaý keńesiniń otyrysyna baıqaý keńesiniń múshesi daıyndaǵan máseleler, sondaı-aq olar boıynsha qabyldanǵan sheshimder, baıqaý keńesiniń múshesi bergen, qabyldanǵan sheshimderdiń memlekettik kásiporyn qyzmetine úlesi, sondaı-aq memlekettik kásiporynnyń qyzmetin jetildirý boıynsha baıqaý keńesi múshesiniń iske asyrylǵan usynystarynyń áseri; memlekettik kásiporyndy damytý boıynsha tujyrymdar men usynystar. 14. Esepterdi tyńdaý qorytyndysy men mundaı esepterde aıqynsyzdyqtardyń týyndaýy boıynsha Komıssııa músheleri baıqaý keńesiniń múshesine jáne memlekettik kásiporyn basshysyna suraqtar qoıady. 15. Baıqaý keńesi múshesiniń qyzmetin baǵalaý úshin Komıssııa músheleri mynadaı baldardy qoldanady: 0; 0,5; 1; 1,5; 2; 3. 16. Alqalyq talqylaý nátıjesi boıynsha Komıssııa músheleri memlekettik kásiporynnyń baıqaý keńesi múshesiniń qyzmetin qorytyndy baǵalaý paraǵynda osy Qaǵıdalarǵa qosymshaǵa sáıkes nysan boıynsha ball qoıady jáne baldardyń jalpy somasyn shyǵarady. 17. Memlekettik kásiporynnyń baıqaý keńesi múshesiniń qyzmetin qorytyndy baǵalaý paraǵynda onyń qyzmetiniń negizgi kórsetkishteriniń tizbesi qamtylady. 18. Baıqaý keńesi múshesiniń qyzmetin qorytyndy baǵalaý paraǵyna Komıssııa tóraǵasy, onyń orynbasary, Komıssııa músheleri jáne hatshy qol qoıady. 19. Baıqaý keńesi múshesiniń qyzmetine baǵalaý júrgizý qorytyndysy jalpy baldar somasyna negizdeledi: 10-nan 12 balǵa deıin – baıqaý keńesiniń múshesi memlekettik kásiporyn qyzmetiniń máseleleri boıynsha quzyretti, memlekettik kásiporynnyń jáne tıisti salanyń ýákiletti organynyń (jergilikti atqarýshy organnyń) múddesinde baıqaý keńesinde ózine júktelgen fýnksııalardy sheberlikpen oryndaıdy; 4,5-dan 7,5 balǵa deıin – baıqaý keńesiniń múshesi memlekettik kásiporyn qyzmetiniń máseleleri boıynsha quzyretti, biraq memlekettik kásiporyn týraly negiz qalaýshy sheshimder qabyldaýǵa belsendi qatyspaıdy; 0-den 4 balǵa deıin – ózine júktelgen mindetterge adal qaramaıdy. 20. Tıisti salanyń ýákiletti organynyń (jergilikti atqarýshy organnyń) ókili nemese memlekettik kásiporyn basshysy bolyp tabylatyn baıqaý keńesiniń múshesin baǵalaýdy tıisti salanyń ýákiletti organyna (jergilikti atqarýshy organǵa) Komıssııa málimet úshin joldaıdy. 21. Baıqaý keńesi múshesin baǵalaý nátıjeleri týraly esepti tıisti salanyń ýákiletti organy (jergilikti atqarýshy organ) baıqaý keńesiniń múshesine ótken jumys kezeńine syıaqy mólsherin aıqyndaý kezinde qoldanady jáne jınalǵan ball sanyn negizge alyp aıqyndaıdy: 4,5-ten 10 balǵa deıin – syıaqy mólsheri mynadaı formýla boıynsha aıqyndalady: S=N*10%, munda: S – syıaqy mólsheri (paıyzben) tıisti salanyń ýákiletti organy (jergilikti atqarýshy organ) aıqyndaıtyn baıqaý keńesiniń múshelerine syıaqy tóleý lımıtine proporsıonaldy; N – ball sany; 0-den 4-ke deıingi ball – Komıssııa sheshiminiń negizinde Normatıvtik quqyqtyq aktilerdi memlekettik tirkeý tiziliminde № 10503 tirkelgen Qazaqstan Respýblıkasy Ulttyq ekonomıka mınıstriniń 2015 jylǵy 20 aqpandaǵy № 113 buıryǵymen bekitilgen Baıqaý keńesiniń múshelerin konkýrstyq irikteý jáne olardyń ókilettigin merziminen buryn toqtatý qaǵıdalarynyń (budan ári - Konkýrstyq irikteý qaǵıdalary) baıqaý keńesi músheleriniń ókilettikterin merziminen buryn toqtatýǵa sáıkes keıinnen rásimdi ótkizýmen tólenbeıdi. 3. Baıqaý keńesiniń múshelerine syıaqy tóleý lımıtin aıqyndaý tártibi 22. Tıisti salanyń ýákiletti organy (jergilikti atqarýshy organ) taza tabystyń belgilengen bóligin bıýdjetke aýdarǵannan keıin sharýashylyq júrgizý quqyǵyndaǵy memlekettik kásiporynnyń bıliginde qalǵan taza tabystyń bir bóliginiń bes paıyzynan aspaýy tıis sharýashylyq júrgizý quqyǵyndaǵy memlekettik kásiporyndardaǵy baıqaý keńesiniń múshelerine syıaqy lımıtin aıqyndaıdy. Konkýrstyq irikteý qaǵıdalaryna sáıkes saılanatyn baıqaý keńesiniń músheleri arasynda baıqaý keńesiniń múshelerine aıqyndalǵan syıaqy tóleý lımıti osy Qaǵıdalardyń 22-tarmaǵyna sáıkes bólinedi. 23. Sharýashylyq júrgizý quqyǵyndaǵy memlekettik kásiporynnyń baıqaý keńesiniń múshelerine syıaqy tóleý sharýashylyq júrgizý quqyǵyndaǵy memlekettik kásiporynnyń bir jyldyń jumys qorytyndysy boıynsha qarjy-sharýashylyq qyzmetiniń oń nátıjesi bolǵan kezde júzege asyrylady. 24. Sharýashylyq júrgizý quqyǵyndaǵy memlekettik kásiporynnyń basshysyna, sondaı-aq memlekettik qyzmetshi bolyp tabylatyn baıqaý keńesiniń múshelerine syıaqy tólenbeıdi. Baıqaý keńesi músheleriniń qyzmetin baǵalaý jáne baıqaý keńesiniń múshelerine syıaqy tóleý lımıtin aıqyndaý qaǵıdalaryna qosymsha nysan 20___ jylǵy baıqaý keńesi músheleriniń qyzmetin baǵalaý paraǵy* tegi, aty, ákesiniń aty (ol bolǵan kezde) ______________ Uıym ___________________________________________________ R/s № Kórsetkishter Túsindirme Ball 1 2 3 4 1. Baıqaý keńesi múshesiniń fýnksıonaldyq mindetterin oryndaýy baıqaý keńesiniń múshesi ózine júktelgen mindetterdi tolyq kólemde oryndady jáne baıqaý keńesiniń quzyreti sheńberinde baıqaý keńesiniń árbir otyrysynda keminde bir usynys engizdi 2 baıqaý keńesiniń múshesi ózine júktelgen mindetterdi adal oryndady, biraq baıqaý keńesiniń quzyretine jatpaıtyn usynystar engizdi 1 baıqaý keńesiniń múshesi ózine júktelgen mindetterdi adal oryndamady jáne qandaı da bir usynystar engizgen joq 0 2. Baıqaý keńesi múshe­si­niń memlekettik kásip­orynnyń baıqaý keńesi otyrystaryna qatysýy baıqaý keńesiniń múshesi baıqaý keńesiniń barlyq otyrystaryna qatysty 1 baıqaý keńesiniń múshesi baıqaý keńesiniń otyrystaryna 50 % jáne odan kóp qatysty, biraq baıqaý keńesiniń barlyq otyrystaryna qatysqan joq 0,5 baıqaý keńesiniń múshesi baıqaý keńesiniń otyrystaryna qatysqan joq 0 3. Baıqaý keńesi múshesiniń memlekettik kásiporynnyń baıqaý keńesine shyǵarylatyn máselelerdi talqylaýǵa qatysýy baıqaý keńesiniń múshesi qoıylǵan maqsattarǵa qol jetkizýge yqpal etken jáne memlekettik kásiporynnyń baıqaý keńesi qabyldaǵan memlekettik kásiporyn qyzmetin jetildirýdiń jańa sheshý joldaryn únemi engizdi 3 baıqaý keńesiniń múshesi memlekettik kásiporyn qyzmetin jetildirýdiń qaǵıdatty jańa sheshý joldaryn qamtymaıtyn jáne memlekettik kásiporynnyń baıqaý keńesi qabyldamaǵan usynystardy engizdi 1,5 baıqaý keńesiniń múshesi qoıylǵan maqsattarǵa jetýge túrtki bolatyndaı jańashyl usynystar engizgen joq 0 4. Baıqaý keńesi múshe­si­niń talqylaý bary­syn­da qajettiligi týyn­daǵan memlekettik kásip­orynnyń baıqaý keńe­sine shyǵarylatyn máse­­leler boıynsha qosym­sha materıaldar daıyndaýy baıqaý keńesiniń múshesi daıyndaǵan materıaldar sapaly boldy, qaralatyn máseleler boıynsha durys jáne negizdi sheshim qabyldaý úshin naqty negizdemeleri bar, tolyq kólemde usynyldy 1 baıqaý keńesiniń múshesi daıyndaǵan materıaldardyń sheshim qabyldaý úshin negizdemeleri jetkiliksiz boldy 0,5 baıqaý keńesiniń múshesi baıqaý keńesiniń qaraýyna materıaldar usynbady 0 5. Nátıjesinde memlekettik kásiporyn úshin tıimdi bolǵan baıqaý keńesi múshesiniń bastamalary memlekettik kásiporyn baıqaý keńesiniń múshesi bastama jasaǵan usynystardy iske asyrýdan belgili bir paıda aldy nemese alady 3 memlekettik kásiporyn baıqaý keńesiniń múshesi bastama jasaǵan usynystardy iske asyrýdan belgili bir paıda alǵan joq nemese almaıdy 1,5 baıqaý keńesiniń múshesinen bastamashylyq usynystar jyl boıy túsken joq nemese baıqaý keńesiniń múshesi bastama jasaǵan usynystardy iske asyrý memlekettik kásiporynnyń qyzmetine keri áser etti 0 Jıyny Komıssııa tóraǵasy ___________________________________________________________ (tegi, aty, ákesiniń aty (ol bolǵan kezde), qoly, kúni) Komıssııa tóraǵasynyń orynbasary _____________________________________________ (tegi, aty, ákesiniń aty (ol bolǵan kezde), qoly, kúni) Komıssııa músheleri ___________________________________________________________ (tegi, aty, ákesiniń aty (ol bolǵan kezde), qoly, kúni) Komıssııa hatshysy ____________________________________________________________ (tegi, aty, ákesiniń aty (ol bolǵan kezde), qoly, kúni) Eskertpe: *Baǵalaý baıqaý keńesi otyrysynyń hattamalary negizinde júrgiziledi. Otyrys hattamalarynda otyrystyń júrgizilý barysy, sondaı-aq kún tártibi men baıqaý keńesiniń otyrysyna shyǵarylatyn máseleler boıynsha jazbasha túrde baıandalǵan baıqaý keńesiniń otyrysyna baıqaý keńesi músheleriniń eskertýleri men usynystary qamtylýy tıis. Buıryq Qazaqstan Respýblıkasynyń Ádilet mınıstrliginde 2015 jylǵy 18 naýryzda Normatıvtik quqyqtyq kesimderdi memlekettik tirkeýdiń tizilimine №10499 bolyp engizildi.